دل کی اس درجہ تشنہ کامی پر

دل کی اس درجہ تشنہ کامی پر
اب تو میں صرف انتظار میں ھوں
... دل میں چاہت کا روگ پل جائے
عشق بڑھ کر جنوں میں ڈھل جائے
ہجر میں دل پہ وحشتیں اتریں
... وصل کی خواب لذتیں اتریں
پائوں میں عشق ڈالے زنجیریں
اشک لکھیں غموں کی تفسیریں
لذت ہجر و آگہی اترے
دل پہ پھر عشق کی وحی اترے
دل پہ چاہت کی آیتیں اتریں
سب محبت کی راحتیں اتریں
میں طلب کے سفر کی ھو جائوں
پا لوں منزل یا رہ میں کھو جائوں
آتش عشق میں جلوں صد یوں
خود سے ہی بے خبر رھوں صدیوں
نہ سمٹ پائو ں یوں بکھر جائوں
یوں محبت کو جی لوں مر جائوں۔۔۔۔۔۔۔۔۔۔۔۔!!!!