baraay-e-naam sahi koi mehar_baan to hai
hamare sar pe bhi hone ko aasamaan to hai
terii faraaKh dili ko duaayein detaa hooN
mere labon pe tere lams ka nishaan to hai
ye aur baat ki vo ab yahaaN nahiin rahataa
magar ye us ka basaayaa huaa makaan to hai
elavaa is ke na kuch aur pardaa rakh mujh se
fasiil-e-jism mere tere darmiyaan to hai
bichhar ke zindaa nahin rah sakeinge ham donon
mujhe ye vaham to hai un ko ye gumaan to hai
saron pe saayaa fiGan abr-e-aarazuu na sahi
hamaare paas sarabon ka saayabaan to hai
gul-e-muraad nahin sang haaye tifl sahi
Gariib-e-shahar kaa aaKhir kisi ko dhyan to hai
No comments:
Post a Comment