wohi aahatain dar-o-baam per wohi rut jagon k azaab hein

wohi aahatain dar-o-baam per wohi rut jagon k azaab hein
wohi adh bujhi meri neend hai, wohi adh jaly mery khuab hein,

Mery saamny ye jo kehkasha'n, ki hay dhund had-e-nigah tak,
pary is key jaany hein haqeeqatein, ya haqeeqaton key sarab hein,

Kabhi chaha khud ko samitna,to bikhar k or bhe reh gaya,
hein jo kirchi kirchi pary hoy, mery saamny mery khuab hein,

Ye na pooch keisy basar kiye, shab-o-roz kitny pehar jiye,
kisy raat din ki tameez thi, kisy yaad itny hisab hein

Pyar Karta hai Wo Yon jesy saza deta hai

Pyar Karta hai Wo Yon jesy saza deta hai
Jab hansi aye labon pe to rula deta hai

Kabhi seeny se laga leta ha tehreer meri
Kabhi jhutla k wo kaghaz ko jala deta hai

Kabhi wo Dil se laga leta hai tasveer meri
Kabhi barham ho to her nakash mita deta hai

Kyo dikhaty ho zamany ko har aik chott apni
Ye zamana hi to zakhmo ko hawa deta hai

Tor dey ehad-e-wafa bhol ja chahat ko "WASI"
Kon iss dunya mein Chahat ka Sila Deta hai

Uss Ke baghair Agarchey Meri Umar kat gayi

Uss Ke baghair Agarchey Meri Umar kat gayi
Lekin haya'at Kitney Anaasir Mein bat gayi

main ne usay khareed liya chahaton k baho'o
Phir yun hua Ke Qeemat e bazar ghat gayi

Behthi hui Thi oout Mein Khawabon ki Chandni
Main Dekhney Laga to dareechey se hat gayi

Loogon Ne Meri shkal k Tukrey utha Liye
Tasweer Meri Chahney Waalon Mein bat gayi

Ghar chorney ka Jab b Irada kia MOHSIN
Qadmon se uski yaad ki khushbu Lipat gayi

seher hai meher se pemaana-e-wafa kiya baandein

شہر بے مہر سے پیمانِ وفا کیا باندھیں
خاک اُڑتی ہے گلِ تر کی ہوا کیا باندھیں

جانتے ہیں سفر شوق کی حد کیا ہوگی
زور باندھیں بھی تو ہم آبلہ پا کیا باندھیں

کوئی بولے گا تو آواز سُنائی دے گی
ہُو کا عالم ہو تو مضمون صدا کیا باندھیں

ساری بستی ہوئی اک موجۂ سفاک کی نذر
اب کوئی بند سر سیل بلا کیا باندھیں

آخرش ہر نفس گرم کا انجام ہے ایک
سو گھڑی بھر کو طلسم من و ماکیا باندھیں

Khatam honey ko hai safer shayed

Khatam honey ko hai safer shayed
Phir milein gey kabhi, mager shayed

Phir mila izn-e-aabla paai
Phir bhatakna hai darbadar shayed

Ab k shab aankh mein utar aai
Ab na deikhein gey hum seher shayed

Sheher mein roshni ka meila hai mohsin
Jal gaya phir kisi ka ghar shayed...

kahon kis se kisaa-e-dard-o-ghum koi hum-nashi hai na yaar hai

کہوں کس سے قصۂ درد و غم، کوئی ہم نشیں ہے نہ یار ہے
جو انیس ہے تری یاد ہے، جو شفیق ہے دلِ زار ہے

تو ہزار کرتا لگاوٹیں میں کبھی نہ آتا فریب میں
مجھے پہلے اس کی خبر نہ تھی ترا دو ہی دن کا یہ پیار ہے

یہ نوید اوروں کو جا سنا، ہم اسیرِ دام ہیں اے صبا
ہمیں کیا چمن ہے جو رنگ پر، ہمیں کیا جو فصلِ بہار ہے

وہ نظرجو مجھ سے ملا گئے، تو یہ اور آفتیں ڈھا گئے
کہ حواس و ہوش وخرد ہے اب، نہ شکیب و صبر و قرار ہے

مری چشم کیوں نہ ہو خوں فشاں، نہ رہی وہ بزم نہ وہ سماں
نہ وہ طرزِ گردشِ چرخ ہے، نہ وہ رنگِ لیل و نہار ہے

جہاں کل تھا غلغلۂ طرب، وہاں ہائے آج ہے یہ غضب
کہیں اِک مکاں ہے گرا ہوا، کہیں اِک شکستہ مزار ہے

غم و یاس و حسرت و بے کسی کی ہوا کچھ ایسی ہے چل رہی
نہ دلوں میں اب وہ امنگ ہے، نہ طبیعتوں میں ابھار ہے

ہوئے مجھ پہ جو ستمِ فلک، کہوں کس سے اس کو کہاں تلک
نہ مصیبتوں کی ہے کوئی حد، نہ مرے غموں کا شمار ہے

مرا سینہ داغوں سے ہے بھرا، مرے دل کو دیکھیے تو ذرا
یہ شہیدِ عشق کی ہے لحد، پڑا جس پہ پھولوں کا ہار ہے

میں سمجھ گیا وہ ہیں بے وفا مگر ان کی راہ میں ہوں فدا
مجھے خاک میں وہ ملا چکے، مگر اب بھی دل میں غبار ہے

مجھے رحم آتا ہے دیکھ کر ترا حال اکبرِ نوحہ گر
تجھے وہ بھی چاہے خدا کرے، کہ تو جس کا عاشقِ زار ہے

Zabt ki kon si manzil thi kis muqam pe a k haare hein

Zabt ki kon si manzil thi kis muqam pe a k haare hein
itna to tumhein malum he hai,tere nam pe a k haare hein,

Kabhi khud pe jaber kia hum ne,kabhi khud ko yun be-mol kia,
hum subhon k lotne wale they,ik shaam pe a k haare hein,

Ik dard musalsal hota hai,ik baarish ander hoti hai,
k heeron jese log yahan ilzam pe a k haare hein….

Kab jeet ka dawa hum ne kia,ye azal abd ka qissa hai,
hum bekhabri k aalam mein Anjam pe a k haare hein….!

Mein takiye per sitaray bo raha hoon

Mein takiye per sitaray bo raha hoon
Janam din hai, Akela ro raha hoon. .

Kisi ne jhank kar dekha na dil mein. .
K mein ander se kaisa ho raha hoon. .

Jo dil per daagh hain pichli ruto’n kay. .
Unhein ab aansuo’n se dho raha hoon. .

Sabhi parchaai’an hain saath lekin. .
Bhari mehfil mein tanha ho raha hoon. .

Mujhy in nisbato’n se kon samjha?
Mein rishtay mein kisi ka jo raha hoon. .

Mein chonk uthta hoon aksar baithay baithay. .
K jaisay jagtay mein so raha hoon. .

Kisay paanay ki khuwahish hai k ‘Sajid’
Mein rafta rafta khud ko kho raha hoon. . !

Akelay dukh uthate ho ye tum acha nahi karte

Akelay dukh uthate ho ye tum acha nahi karte
 humara dil jalate ho ye tum acha nahi karte

kaha b tah mohabbat hain mohabbat hi rakho issey
 tamasha q banate ho ye tum acha nahi karte

 uthatey ho sar-e-mehfil falak tak tum hamein lekin
 utha ker jo girate ho ye tum acha nahi karte

 koi jo poch le tum se "rishta kya hai ab un se
 to nazroon ko jhukate ho ye tum acha nahi karte

 bikhar jaein andhere mein sahara tum hi dete ho
 magar jab choor jate ho ye tum acha nahi karte

kyun na aaj un ko pukara jaye

kyun na aaj un ko pukara jaye
dil e weeran ko sataya jaye

aaj phir un ko maana kar pal mein,
dil k zakhmon ko nikhara jaye

un ko phir aaj mana leynay ko
phool zulfon mein sajaya jaye

payaar aankhon sey ayaan hota hai
kyun bhala sab ko bataya jaye

payar ehsas hai,ik khail nahi
tum ko yeh kaisay dikhaya jaye?

Bala Ki Dilkash Hein Yaar Aankhein

Bala Ki Dilkash Hein Yaar Aankhein
Khizaa'n Ki Rut Mein Bahaar Aankhein,

Jo Uth Gai To Dua Hein Logo,
Mohabbato'n Ki Pukaar Aankhein,

Sabab Hein Merey Sukoon-e-Dil Ka,
Meri Nazar Ka Qaraar Aankhein,

Udaasiyo'n Mein Khushi Ki Sa'at,
K Nafrato'n Mein Hein Piyaar Aankhein,

Meri Ghazal Ka Hein Ye Tassawur,
Merey Sukhan Ka Nikhaar Aankhein,

Wujood Enka Shifa K Jaisa,
Hein Chara Gar Ghamgusaar Aankhein,

En Hi Ne Hasna Sikhaya Mujh Ko,
Tabbassumi Khushgawaar Aankhein,

Ulaj K Tumse Sulajh Gai Hein,
Hui Hein Tum Pe Nisaar Aankhein,

Nigah K Gulshan Mein Bus Gai Hein,
Gulo'n K Jaisi Ye Khaar Aankhein,

Bhala Mein Kaisey Behek Na Pao'n,
Mein Be-Khudi Hun Khumaar Aankhein,

Nahi Hein Koi Tumhary Jaisi,
Mein Dekh Aya Hazaar Aankhein,

Tumhari Hasrat Mein Nam Hui Hein,
Hein Roi Zaar-o-Qataar Aankhein,

Ajab Hay Soda Ajeeb Qeemat,
Hay Naqd Ye Dil Udhaar Aankhein,

Aseer Apna Bana K Ahmed,
Hui Hein Kaisey Faraar Aankhein.....!!!

Meri Bojhal Tabiyat Ho Gayi To?

Meri Bojhal Tabiyat Ho Gayi To?
Karunga Kiya Mohabbat Ho Gayi To?

Achanak Dard Mujh Mein Aa Basa Gar,
 Shikasta Dil Ki Halat Ho Gayi To?

Mrey Munsif Tera Kiya Haal Hoga?
Kabhi Meri Adalat Ho Gayi To?

Kaha'N Jaien Gey Phir Ye Ehl-e-Danish,
Aqalmandi Jahalat Ho Gayi To?

Yehi Jo Haal Mera Ho Raha Hay,
Yehi Teri Bhi Halat Ho Gayi To?

Muqadma Larr Raha Hun Ehl-e-dil Ka,
Kahi'N Teri Wakalat Ho Gayi To?

Kary Ga Kiya Bana Na Mujh Ko Ahmed,
Kabhi Zaya Riyazat Ho Gayi To?

Bil-Aakhir Yeh Haseen Manzar Mita Dena hi Parta Hai

Bil-Aakhir Yeh Haseen Manzar Mita Dena hi Parta Hai
Kisi ke Sar ko Shaaney se Hata dena hi parta hai

Kisi Dair Aashna ko Jhootey Sachey Kuch Hawaaloo'n se
Taa'aaruf ke liye Sab se Mila Dena hi parta hai

Jo saansoo'n mein mehaktey hain Jo Aankhoo'n mein damaktey hain
Achaanak aik Din unn ko Bhula dena hi Parta hai

Diye jo Ham Jalaatey hain Nihaayet Shoq se Har Shab
Unhein Khud Apni Phoonkoo'n se Bujha dena hi Parta hai

Koi jab Haal Poochta hai Ham se , Kaisa haal hai Sajid
Hamein Mohtaat ho kar Muskura dena hi parta hai

Chamak Uth'tey Hain Sajid* Jab Sitaarey Uss ki Palkoo'm par
Ussey Dil se Laga kar Hosla Dena hi Parta hai

Tujh se bechar k aankh ko num kis liye kare

Tujh se bechar k aankh ko num kis liye kare
Tujh ko melaal nahi tu hum kis liye kare

Duniya ki be rukhi tu nahi hai koi jawaaz
Es sheddat-e-khaloos ko kam kis liye kare

Taa umer kurbton ka tu emkaan he na tha
Aakhier faraq-e-yaar ka ghum kis liye kare

Apna janoon oy daad-o-sataysh se beneyaz
Phir be khudi ka haal raqum kis liye kare

Jin k liye ufaq pe chamkte hain raastein
Matti pe sabt naqsh-e-kadam kis liye kare

Manoos ho chuke hain anderoon sy apne log
Ab ehtejaj subh karam kis liye kare

Sajad koi nayi tu nahi hai yeh terghi
Aakhier melaal-e-shaam alam , kis liye kare

Tere jaisa mera bhi haal tha na sukoon tha na qaraar tha

Tere jaisa mera bhi haal tha na sukoon tha na qaraar tha
 Yehi umer thee mere hamnasheen ke kisi se mujh ko bhi pyar tha

Mai samajh raha hoon teri kasak, tera mera dard hai mushtarak
Isi gham ka tu bhi aseer hai isi gham ka mai bhi shikaar tha

Faqat aik dhun thee ke raat din usi khaabzaar mai gum rahen
Wo saraapa aisa suroor tha wo khumar aisa khumar tha

Kabhi lamhe bhar ki bhi guftgoo meri us ke saath na ho saki
Mujhe fursaten nahee mil sakin wo hawa ke rath pe sawar tha

Hum ajeeb tarz ke log thay ke hamare aur bhi rog thay
Mai khizan mai uska tha muntazar use intizar-e-bahaar tha

Use padh ke tum na samjh sake ke meri kitaab ke roop mai
Koi qarz tha kai saal ka kai ratjagon ka udhar tha

Besood hame rozan-o-deewar se mat dekh

Besood hame rozan-o-deewar se mat dekh
Hum ujrey huye log hain too pyar se mat dekh

Pasti mai bhatakne ki nidamat na siwa ker
Mud mud ke mujhe rif'ate kohsar se mat dekh

Qeemat na laga jazba-e-eisaar-o-talab kee
Har shay ko faqat chashm-e-kahreedar se mat dekh

Itna to bharam zakhm-e-shanasaai ka rakh ley
Hans ke meri janib sinaf aghyar se mat dekh

Shehr e Khayaal o Khwaab Mein Abaad Ho Gaya

Shehr e Khayaal o Khwaab Mein Abaad Ho Gaya
Itna Usey Parhaa Ke Mujhe Yaad Ho Gaya…

Main Aaj Tak Hun Jis Ke Fareb o Hisaar Mei
Wo Aur Hi Kisi Ka Merey Baad Ho Gaya…

Andhi Hawa Ka Saath Nibhaney Ke Shoq Mei
Koi Tabaah Hua Koi Barbaad Ho Gaya…

Apni To Saari Umer Aseeri Mei Kat Gai
Jis Ne Bhi Haar Maan Li, Azaad Ho Gaya…

Pehle To Tanhayion Se Rahi Guftugoo Meri
Phir Yoon Howa Ke Aaina Eejad Ho Gaya…

Pamaal Ho Gaye Tere Dar Pe Parey Huye

Pamaal Ho Gaye Tere Dar Pe Parey Huye
Jaise Shajar Se TooT Ke Pattey Gire Huye

Naqadri e Zamana Humen Maloom Hai Magar
Yaaron Se Phir Fuzool Ke Shikwe Gile Huye

MehroomioN Ke Bojh Se GardaN Jhukie Hui
NakaamioN Ki Gard Se Chehre Attey Huye

Shayad Tumhe Khabar Ho Batao Wo Qaafile
Thehrey Kahan They Besar o Saman Chale Huye

Janey Kidhar Chale Gaye Saarey Wo Hum Safar
Hum Raah Guzar Mei Reh Gaye Tanhaa Khare Huye

jal chuke khuwab to phir aag bhojane aaya

جل چکے خواب تو پھر آگ بجھانے آیا
اک نئے ڈھنگ سے وہ چوٹ لگانے آیا

موم کے پل سے گزر کر مجھے جانا تھا وہاں
اور سورج ہی مرا ساتھ نبھانے آیا

بالمقابل ہے خزاں، آئینہ خندہ زن ہے
شہر ماضی کو بھلا کون بسانے آیا

میرے پیروں تلے آنکھیں جو بچھاتا تھا کبھی
کانچ کی کرچیاں وہ راہ میں سجانے آیا

Sulagg Raha Houn Main Dheerey Dheerey

Sulagg Raha Houn Main Dheerey Dheerey
Magar Kisi Pey Ayaan Nahin Hay!

wo Aagg Dil Men Lagi Hay Jismen,
Tapish Hay Lekin Dhuuan Nahin Hay!

Tumharey Gham Ne Sikha Diya Hay,
Mujhey Her Ek Gham Sey Pyaar Karna!

Gham e Jahaan Bhee Yaqeen Maano,
Mizaaj e Dil Pey Giraan Nahin Hay!

Khudaa Ki Bastee Men Har Qadam Per,
Koi Hay Giryan Kisi Kay Gham Men!

Ye Dard To Darde Mushtarik Hay,
Ye Aankh PurNam Kahan Nahin Hay!

Mataae Umre Aziz Saari,
Ganwaa Chukay Per Safar Hay Jaari!

Ajeeb Sauda Hay Aashqii Ka,
Fikare Soodo Ziyaan Nahin Hay!