Showing posts with label A==Amjad Islam Amjad. Show all posts
Showing posts with label A==Amjad Islam Amjad. Show all posts

Monday, 29 July 2013

ترکِ اُلفت کا بہانہ چاہے


ترکِ اُلفت کا بہانہ چاہے

وہ مُجھے چھوڑ کہ جانا چاہے

آس کی خواب خیالی دیکھو
آگ پانی میں لگانا چاہے

کچھ نہیں اور تغافل ہی سہی
آرزوکوئی ٹھکانہ چاہے

وقت دیوار بنا بیٹھا ہے
وہ اگر لَوٹ بھی آنا چاہے

کوئی آہٹ تھی نہ سایہ تھا
دل تو رُکنے کا بہانہ چاہے

میں وہ رستے کی سرائے ہُوں جِسے
ہر کوئی چھوڑ کے جانا چاہے

دیکھنا دل کی اذّیت طلبی
پھر اُسی شہرکو جانا چاہے




Monday, 20 May 2013

کیسے کاریگر ہیں یہ!

کیسے کاریگر ہیں یہ!
آس کے درختوں سے
لفظ کاٹتے ہیں اورسیڑھیاں بناتے ہیں!
کیسے با ہنر ہیں یہ!
غم کے بیج بوتے ہیں
اور دلوں میں خوشیوں کی کھیتیاں اُگاتے ہیں
کیسے چارہ گر ہیں یہ!
وقت کے سمندر میں
 کشتیاں بناتے ہیں آپ ڈوب جاتے ہیں
امجد اسلام امجد


Saturday, 18 May 2013

خواب ٹوٹ جاتے ہیں


خواب ٹوٹ جاتے ہیں
بھیڑ میں‌زمانے کی
ہاتھ چھوٹ جاتے ہیں


... دوست دار لہجوں‌میں، ‌سلوٹیں‌سی پڑتی ہیں
اک زرا سی رنجش سے
شک کی زرد ٹہنی پر، پھول بدگمانی کے
اس طرح سے کھلتے ہیں
زندگی سے پیارے بھی
اجنبی سے لگتے ہیں‌، غیر بن کے ملتے ہیں


عمر بھی کی چاہت کو، آسرا نہیں ملتا
دشت بے یقینی میں‌راستا نہیں ملتا
خامشی کے وقفوں میں
بات ٹوٹ جاتی ہے اور سرا نہیں‌ملتا
معذرت کے لفضوں کو روشنی نہیں ملتی
لذت پزیرائ پھر کبھی نہیں ملتی


پھول رنگ وعدوں کی
منزلیں سکڑتی ہیں‌
راہ مرنے لگتی ہے
بے رخی کے گارے سے، بے دلی کی مٹی سے
فاصلے کی اینٹوں سے، اینٹ جڑنے لگتی ہے
خاک اڑنے لگتی ہے


خواب ٹوٹ جاتے ہیں
واہموں کے سائے، عمر بھی کی محنت کو
پل میں ٹوٹ جاتے ہیں
اک زرا سی رنجش سے
ساتھ چھوٹ جاتے ہیں


بھیڑ‌میں‌ زمانے کی
ہاتھ چھوٹ جاتے ہیں
خواب ٹوٹ‌ جاتے ہیں


امجد اسلام امجد

Friday, 17 May 2013

وہ چاند کہ روشن تھا سینوں میں نگاھوں میں


وہ چاند کہ روشن تھا سینوں میں نگاھوں میں
لگتا ھے اداسی کا اک بڑھتا ھوا ہالہ
پوشاکِ تمنا کو
آزادی کے خلعت کو
افسوس کہ یاروں نے
... الجھے ھوئے دھاگوں کا اک ڈھیر بنا ڈالا
وہ شور ھے لمحوں کا، وہ گھور اندھیرا ھے
تصویر نہیں بنتی، آواز نہیں آتی
کچھ زور نہیں چلتا، کچھ پیش نہیں جاتی
اظہار کو ڈستی ھے ہر روز نئی اُلجھن
احساس پہ لگتا ھے ہر شام نیا تالہ
ھے کوئی دلِ بینا، ھے کوئی نظر والا.. !


امجد اسلام امجد
Related Posts Plugin for WordPress, Blogger...