Showing posts with label A==Ahmed Faraaz. Show all posts
Showing posts with label A==Ahmed Faraaz. Show all posts

Monday, 27 May 2013

ﺭﺍﺗﯿﮟ ﺍُﺩﺍﺱ ﺩﻥ ﮐﮍﮮ ﮨﯿﮟ

ﺭﺍﺗﯿﮟ ﺍُﺩﺍﺱ ﺩﻥ ﮐﮍﮮ ﮨﯿﮟ
ﺍﮮ ﺩﻝ ﺗﯿﺮﮮ ﺣﻮﺻﻠﮯ ﺑﮍﮮ ﮨﯿﮟ
ﺍﮮ ﯾﺎﺩِ ﺣﺒﯿﺐ ﺳﺎﺗﮫ ﺩﯾﻨﺎ
ﮐﭽﮫ ﻣﺮﺣﻠﮯ ﺳﺨﺖ ﺁ ﭘﮍﮮ ﮨﯿﮟ
ﺭُﮐﻨﺎ ﮨﻮ ﺍﮔﺮ ﺗﻮ ﺳﻮ ﺑﮩﺎﻧﮯ
ﺟﺎﻧﺎ ﮨﻮ ﺗﻮ ﺭﺍﺳﺘﮯ ﺑﮍﮮ ﮨﯿﮟ
ﺍﺏ ﮐﯿﺴﮯ ﺑﺘﺎﺋﯿﮟ ﻭﺟﮧ ﮔﺮﯾﮧ
ﺟﺐ ﺁﭖ ﺑﮭﯽ ﺳﺎﺗﮫ ﺭﻭ ﭘﮍﮮ ﮨﯿﮟ
ﺍﺏ ﺟﺎﻧﮯ ﮐﮩﺎﮞ ﻧﺼﯿﺐ ﻟﮯ ﺟﺎﮰ
ﮔﮭﺮ ﺳﮯ ﺗﻮ ﻓﺮﺍﺯ ﭼﻞ ﭘﮍﮮ ﮨﯿﮟ
 ﺷﺎﻋﺮ : ﺍﺣﻤﺪ ﻓﺮﺍﺯ

Wednesday, 22 May 2013

یہی بہت ہے کہ محفل میں ہم نشِیں کوئی ہے




یہی بہت ہے کہ محفل میں ہم نشِیں کوئی ہے
کہ شب ڈھلے تو سحر تک کوئی نہیں کوئی ہے
نہ کوئی چاپ، نہ سایہ کوئی، نہ سرگوشی
مگر یہ دل کہ بضد ہے، “نہیں نہیں کوئی ہے“
یہ ہم کہ راندۂ افلاک تھے، کہاں جاتے؟
یہی بہت ہے کہ پاؤں تلے زمِیں کوئی ہے
ہر اِک زبان پہ اپنے لہُو کے ذائقے ہیں
نہ کوئی زہرِ ہلاہل، نہ انگبِیں کوئی ہے
بھلا لگا ہے ہمیں عاشقوں کا پہناوا
نہ کوئی جیب سلامت، نہ آستِیں کوئی ہے
دیارِ دل کا مسافر کہاں سے آیا ہے؟
خبر نہیں مگر اِک شخص بہترِیں کوئی ہے
یہ ہست و بود، یہ بود و نبود، وہم ہے سب
جہاں جہاں بھی کوئی تھا، وہیں وہیں کوئی ہے
فرازؔ اتنی بھی ویراں نہیں میری دُنیا
خزاں میں بھی گُل خنداں کہیں کہیں کوئی ہے

جو خیال تھے نہ قیاس تھے، وہی لوگ مجھ سے بچھڑ گئے




جو خیال تھے نہ قیاس تھے، وہی لوگ مجھ سے بچھڑ گئے

جو محبتوں کی اساس تھے، وہی لوگ مجھ س بچھڑ گئے

جنہیں مانتا ہی نہیں یہ دل، وہی لوگ میرے ہمسفر
مجھے ہر طرح سے جو راس تھے، وہی لوگ مجھ سے بچھڑ گئے

مجھے لمحہ بھر کی رفاقتوں کے سراب اور ستائیں گے
میری عمر بھر کی جو پیاس تھے وہی لوگ مجھ سے بچھڑ گئے

یہ خیال سارے عارضی، یہ گلاب سارے عارضی
گلِ آرزو کی جو باس تھے وہی لوگ مجھ سے بچھڑ گئے

جنہیں کر سکا نہ قبول میں، وہ شریکِ راہ سفر ہوئے
جو میری طلب میری آس تھے، وہی لوگ مجھ سے بچھڑ گئے

مری دھڑکنوں کے قریب تھے، مری چاہ میرا خواب تھے
وہ جو روزو شب میرے ساتھ تھے، وہی لوگ مجھ سے بچھڑ گئے

احمد فراز

Tuesday, 21 May 2013

رنجش ہی سہی دل ہی دکھانے کے ليے آ



رنجش ہی سہی دل ہی دکھانے کے ليے آ
آ پھر سے مُجھے چھوڑ کے جانے کے ليے آ

پہلے سے مراسم نا سہی پھر بھی کبھی تو
رسمِ راہِ دنيا ہی نبھانے کے ليے آ

کس کس کو بتائيں گے جدائی کا سبب ہم
تُو مجھ سے خفا ہے تو زمانے کے ليے آ

کچھ تو ميرے پندارِ محبت کا بھرم رکھ
تُو بھی تو مجھ کو منانے کے ليے آ

ايک عمر سے ہوں لذتِ گِريہ سے بھی محروم
اے راحتِ جان مجھ کو رُلانے کے ليے آ

اب تک دلِ خوش فہم کو تجھ سے ہيں اميديں
يہ آخری شمعيں بھی بُجھانے کے ليے آ




Sunday, 19 May 2013

اس سے پہلے کہ بے وفا ہو جائیں


اس سے پہلے کہ بے وفا ہو جائیں
کیوں نہ اے دوست ہم جدا ہو جائیں

تو بھی ہیرے سے بن گیا پتھر
ہم بھی کل جانے کیا سے کیا ہو جائیں
...

تو کہ یکتا تھا بے شمار ہوا
ہم بھی ٹوٹیں تو جا بجا ہو جائیں

ہم بھی مجبوریوں کا عذر کریں
پھر کہیں اور مبتلا ہو جائیں

ہم اگر منزلیں نہ بن پائے
منزلوں تک کا راستہ ہو جائیں

دیر سے سوچ میں ہیں پروانے
راکھ ہو جائیں، یا ہوا ہو جائیں

عشق بھی کھیل ہے نصیبوں کا
خاک ہو جائیں، کیمیا ہو جائیں

اب کے گر تو ملے تو ہم تجھ سے
ایسے لپٹیں تری قبا ہو جائیں

بندگی ہم نے چھوڑ دی ہے فراز
کیا کریں لوگ جب خدا ہو جائیں

احمد فراز

Saturday, 18 May 2013

اب کے رت بدلی تو خوشبو کا سفر دیکھے گا کون


اب کے رت بدلی تو خوشبو کا سفر دیکھے گا کون
زخم پھولوں کی طرح مہکیں گے پر دیکھے گا کون

دیکھنا سب رقص بسمل میں مگن ہو جائیں گے
جس طرف سے تیر آئے گا ادھر دیکھے گا کون
...
زخم جتنے بھی تھے سب منسوب قاتل سے ہوئے
تیرے ہاتھوں کے نشاں اے چارہ گر دیکھے گا کون

وہ ہوس ہو یا وفا ہو بات محرومی کی ہے
لوگ تو پھل پھول دیکھیں گے شجر دیکھے گا کون

ہم چراغ شب ہی جب ٹھہرے تو پھر کیا سوچنا
رات تھی کس کا مقدر اور سحر دیکھے گا کون

ہر کوئی اپنی ہوا میں مست پھرتا ہے فراز
شہر نا پرساں میں تیری چشم تر دیکھے گا کون


احمد فراز

سچ کا زہر


سچ کا زہر

تجھے خبر بھی نہیں
کہ تیری اداس ادھوری
محبتوں کی کہانیاں
... جو بڑی کشادہ دلی سے
ہنس ہنس کے سن رہا تھا
وہ شخص تیری صداقتوں پر فریفتہ
باوفا ثابت قدم
کہ جس کی جبیں پہ
ظالم رقابتوں کی جلن سے
کوئی شکن نہ آئی
وہ ضبط کی کربناک شدت سے
دل ھی دل میں
خموش چپ چاپ
مر گیا ھے

احمد فراز

Friday, 17 May 2013

ایسا ہے کہ سب خواب مسلسل نہیں ہوتے


ایسا ہے کہ سب خواب مسلسل نہیں ہوتے
جو آج تو ہوتے ہیں مگر کل نہیں ہوتے

اندر کی فضاؤں کے کرشمے بھی عجب ہیں
مینہ ٹوٹ کے برسے بھی تو بادل نہیں ہوتے
...
کچھ مشکلیں ایسی ہیں کہ آساں نہیں ہوتیں
کچھ ایسے معمے ہیں کبھی حل نہیں ہوتے

شائستگیِ غم کے سبب آنکھوں کے صحرا
نمناک تو ہو جاتے ہیں جل تھل نہیں ہوتے

کیسے ہی تلاطم ہوں مگر قلزمِ جاں میں
کچھ یاد جزیرے ہیں کہ اوجھل نہیں ہوتے

عشاق کے مانند کئی اہل ہوس بھی
پاگل تو نظر آتے ہیں پاگل نہیں ہوتے

سب خواہشیں پوری ہوں فراز ایسا نہیں ہے
جیسے کئی اشعار مکمل نہیں ہوتے

احمد فراز
Related Posts Plugin for WordPress, Blogger...