Showing posts with label **Urdu Novels Aqwaal**. Show all posts
Showing posts with label **Urdu Novels Aqwaal**. Show all posts

Monday, 12 August 2013

زندگی کہتے ہی اسی کو

زندگی کہتے ہی اسی کو ہیں کہ کبھی دکھوں کی جھلسا دینے والی دھوپ ملتی ہے تو کبھی ٹھنڈی پھوار برساتا ابرِ رحمت بھی انسان پر چھا جاتا ہے ۔ ۔ ۔

ناول : بھاروں کے سنگ سنگ ۔
- ( اقرا صغیر احمد ) ۔

Wednesday, 7 August 2013

اولاد کو صرف اچھی ماں چاہیے ہوتی ہے


’’اولاد کو صرف اچھی ماں چاہیے ہوتی ہے۔ ان کو اس بات سے کوئی غرض نہیں ہوتی کہ وہ کتنی اچھی مصورہ، کتنی اچھی مصنفہ یا کتنی اچھی اداکارہ ہے اور دنیا نے اس کو کہاں بٹھایا ہوا ہے اور ماما جان! ایک انسان اور جانور کی ماں میں یہی فرق ہوتا ہے۔ پیدا تو جانور بھی کر لیتا ہے بچہ۔۔۔ مگر جانورتربیت نہیں کر سکتا، وہ اولاد پیدا کر کے چھوڑ دیتا ہے اور مریم بھی یہی کر رہی ہے۔ اس کو زینب میں کوئی دلچسپی نہیں۔ گورنس اور میں اس کو پال رہے ہیں۔ ایسی ماؤں کے پیروں کے نیچے تو کوئی جنّت تلاش کرنے نہیں جاتا اور جنّت کسی دوسری دنیا میں نہیں ملتی۔ اچھی ماں اپنی اولاد کو اس دنیا میں جنّت دے دیتی ہے۔ اولاد کو جینے کا گر سکھا دیا تو آپ نے اس کی زندگی جنّت بنا دی۔

(عمیرہ احمد کے ناول ’’لا حاصل‘‘ سے ایک خوبصورت اقتباس)

Thursday, 1 August 2013

خود کو گم کر دینے کے لئے

Friday, 5 July 2013

بعض انکشافات کتنے بے وقت

"بعض انکشافات کتنے بے وقت اور فضول ہی ہوتے ہیں'اچھی بھلی،سیدھی سادھی زندگی کو تہ و بالا کر دینے والے....... "

دیوارِِ شب از عالیہ بخاری

Thursday, 27 June 2013

وہ سب چیزیں کبھی اس شخص کی زندگی کا حصہ تھی

وہ سب چیزیں کبھی اس شخص کی زندگی کا حصہ تھیں جسے وہ اپنے وجود کا ایک حصہ سمجھتی تھی۔
ان سب چیزوں پر اس شخص کے ہاتھوں کا لمس تھا جسے اس نے دنیا میں سب سے زیادہ چاہا تھا- عمر جہانگیر ختم ہوچکا تھا- سامنے پڑا ہوا موبائل فون اب کبھی بھی عمر کے ساتھ اس کا رابطہ نہیں کروا سکتا تھا۔ اس نے وہیں بیٹھ کر ٹیبل پر اپنا سر ٹکا دیا اور مٹھیاں بھینچ کر روتی چلی گئی۔
"میں نے کبھی اس یہ نہیں کہا تھا کہ وہ اس طرح چلا جائے۔ " وہ بے تحاشا رو رہی تھی، بچوں کی طرح، جنونی انداز میں۔
اس لمحے اس پر پہلی بار انکشاف ہوا تھا کہ اسے عمر سے کبھی نفرت نہیں ہوئی تھی۔ وہ عمر سے نفرت کر ہی نہیں سکتی تھی، صرف ایک دھوکا اور فریب تھا جو وہ اپنے آپ کو دے رہی تھی، صرف اس خواہش اور امید پر کہ شاید کبھی اسے عمر سے نفرت ہوجائے۔
کبھی۔۔۔۔۔ کبھی۔۔۔۔۔ کبھی۔۔۔۔ شاید کبھی۔۔۔۔!

(اقتباس: عمیرہ احمد کے ناول "امر بیل" سے)

Thursday, 13 June 2013

مذاق میں بھی کسی انسان کو یہ زیب نہیں دیتا ک

مذاق میں بھی کسی انسان کو یہ زیب نہیں دیتا کہ وہ ان چیزوں کا تمسخر اڑائے جن پہ انسان کا اختیار نہیں۔۔ جب ہم ایسا کر رہے ہوتے ہیں تو ہم بلواسطہ اس ذات کا مذاق اڑا رہے ہوتے ہیں۔ جس نے ان چیزوں کو تحلیق کیا ہے۔ انسان ناسمجھ ہے اور اس چیز کا شعور نہیں رکھتا۔۔ اس لیے تو خسارے میں رہتا ہے۔۔۔ ڈاکڑ خاور نے تاسف بھرے انداز میں کہا تھا۔۔ وہ دل ہی میں ان نرسوں سے کی بھرپور کلاس لینے کا تہیہ کر چکے تھے۔۔
" رہنے دیں ڈاکٹر صاحب ! مجھے ان سے کوئی شکوہ نہیں۔ اللہ خود ہی ان سے پوچھ لے گا۔" سکینہ کی بات پر اماں نے دہل کر نادان بیٹی کو دیکھا۔۔
" خبردار سکینہ ! کسی نوں اینج نئیں کہندے، اگر تینوں کوئی شکوہ نئیں تے اللہ تے کیویں چھڈ دی اے۔۔ سوہنے رب دا انصاف بڑا سخت اے پتر ! انساناں نوں خود معاف دیندے آں، اللہ دی پکڑ بڑی سخت اے۔۔ سب لئی خیر منگیا کر دھی رانی !" جمیلہ مائی کے لہجے میں عاجزی ہی عاجزی تھی۔۔ ڈاکٹر خاور اس ان پڑھ خاتون سے سخت متاثر تھے۔۔ جس کے دل میں اللہ کی محبت اور خوف نے سب کے لیے خیر اور بھلائی بھر دی تھی۔۔ وہ تیزی سے کمرے نکلے اور اپنا چشمہ اٹھانا بھول گئے۔۔ جبکہ سکینہ نے اماں کی نظروں سے بمشکل بچتے ہوئے اس چمشے کو فورا عقیدت سے اٹھا کر اپنے تکیے کے نیچے چھپا دیا تھا۔۔ اسے لگا جیسے اسے ہفت اقلیم کی دولت مل گئی ہو۔۔

(صائمہ اکرم چوہدری کے ناول ’’دیمک زدہ محبت‘‘ سے اقتباس)

Sunday, 2 June 2013

بعض صورتیں دل میں اتر جاتی ہیں-

بعض صورتیں دل میں اتر جاتی ہیں- بعض دل سے اتر جاتی ہیں- دل میں اترنے اور دل سے اترنے میں بظاھر اک لفظ کا ہیر پھیر ہے لیکن اس کا اثر  اس کا دائرہ عمل، اس کا تسلط کتنا وسیح، کتنا گھمبیر اور کیسا انوکھا ہے-

تحریر: رضیہ بٹ
اقتباس: چاہت

یہ جو پیسہ ہے نا اسکی گنتی اربوں کھربوں تک جاتی ہے

"یہ جو پیسہ ہے نا اسکی گنتی اربوں کھربوں تک جاتی ہے بلکہ اس سے بھی آگے- جو چیز اربوں کھربوں تک جائے نا اسکی کوئی قدر نہیں ہوتی- ویلیو اسی کی ہوتی ہے جو انگلیوں کی پوروں سے شروع ہو کر پوروں پر ہی ختم ہو جائے جیسے خون کے رشتے بہت بھی ہوں نا تو بس دونوں ہاتھوں کی پوریں ہی بھر پاتی ہیں- ایک آدمی کا پیسہ اربوں کھربوں ہو سکتا ہے رشتے اربوں کھربوں نہیں ہو سکتے.......تو بس یاد رکھنا جو چیز کم تعداد میں ملے اسکی ویلیو زیادہ، جو ڈھیروں کے حساب سے ملے اسکی ویلیو کم-"

تحریر:عمیرہ احمد
اقتباس: من و سلویٰ

بعض سوالوں کے جواب کسی بھی

بعض سوالوں کے جواب کسی بھی زبان میں نہیں دیے جا سکتے، اور وہ سوال ایسے ہوتے ہیں جو انسان کو عمر اور زندگی کے اس مرحلے پر آ کر زیر کر دیتے ہیں جب انسان خود کو صراط مستقیم کے دوسرے سرے پر پہنچا ہوا محسوس کرتا ہے ---------- اور تب پہلی بار یہ احساس ہوتا ہے کہ آپ ساری عمر جس راستے کو صراط مستقیم سمجھ کر چلتے رہے وہ نہ راستہ تھا اور نہ سیدھا ---------- وہ صرف آپ کا نفس تھا یا پھر آپ کا گمان-

تحریر: عمیرہ احمد
اقتباس: لا حاصل

تدبیر بھی تقدیر کے آگے

تدبیر بھی تقدیر کے آگے سرنگوں ہوتی ہے۔۔۔۔ مَشّیتِ ایزدی کے سامنے لبیک کہنا ہی بندگی کا اصل مفہوم ہے۔۔۔۔ ہمارے تمہارے چاہنے، سوچنے یا کرنے سے ہی اگر تمام مسئلے حل ہوسکتے تو پھر خدا کہاں ہے ؟ ہم منزل کی سمت قدم بڑھا کر سفر تو شروع کر سکتے ہیں لیکن منزل پا لینا ضروری نہیں ٹھہرتا۔ ہر حال میں راضی بہ رضا رہنا ہی منزل کا مفہوم ہے۔

(محمد یحیٰی خان۔ کاجل کوٹھا۔ صفحہ نمبر563 )

Tuesday, 28 May 2013

ﺩﺭﺍﺻﻞ ﻋﻮﺭﺕ ﮐﻮ ﮨﻤﯿﺸﮧ ﻣﺮﺩ

ﺩﺭﺍﺻﻞ ﻋﻮﺭﺕ ﮐﻮ ﮨﻤﯿﺸﮧ ﻣﺮﺩ
ﮐﮯ ﺳﮩﺎﺭﮮ ﮐﯽ ﺿﺮﻭﺭﺕ ﮨﻮﺗﯽ
ﮨﮯ-ﻋﻮﺭﺕ ﻣﺮﺩ ﮐﮯ ﺑﻐﯿﺮ
ﻣﻌﺘﺒﺮ ﻧﮩﯿﮟ ﮨﻮﺗﯽ ﮐﺒﮭﯽ
ﺑﮭﯽ-ﻭﮦ ﺟﮩﺎﮞ ﺑﮭﯽ ﺟﺎﺋﮯ
ﺍﺳﮯ ﻣﺮﺩ ﮐﺎ ﺣﻮﺍﻟﮧ ﺩﯾﻨﺎ ﮨﻮﺗﺎ
ﮨﮯ-ﻣﺮﺩ ﮐﮯ ﺣﻮﺍﻟﮯ ﮐﮯ ﺑﻐﯿﺮ
ﺍﺱ ﮐﯽ ﺣﺜﯿﺖ ﺗﻨﮑﮯ ﺳﮯ ﺑﮭﯽ
ﮐﻢ ﮨﮯ-ﺧﻮﺍﮦ ﻭﮦ ﺣﻮﺍﻟﮧ ﺑﺎﭖ ﮐﺎ
ﮨﻮ، ﺑﮭﺎﺋﯽ ﮐﺎ ﮨﻮ ﯾﺎ ﺷﻮﮨﺮ ﮐﺎ-

ﺍﻗﺘﺒﺎﺱ۔ ﺑﺎﺭ ﻭﻓﺎ

ﻣﺤﺒﺖ ﭘﺎﻧﮯ ﻭﺍﻻ ﺑﮭﯽ ﺍﺱ ﺑﺎﺕ

ﻣﺤﺒﺖ ﭘﺎﻧﮯ ﻭﺍﻻ ﺑﮭﯽ ﺍﺱ ﺑﺎﺕ
ﭘﺮ ﻣﻄﻤﺌﻦ ﻧﮩﯿﮟ ﮨﻮﺗﺎ ﮐﮧ ﺍﺳﮯ
ﺍﯾﮏ ﺩﻥ ﮐﮯ ﻟﯿﮯ ﻣﮑﻤﻞ ﻣﺤﺒﺖ
ﺣﺎﺻﻞ ﮨﻮﺋﯽ ﺗﮭﯽ۔ ﻣﺤﺒﺖ ﺗﻮ
ﮨﺮ ﺩﻥ ﮐﮯ ﺳﺎﺗﮫ ﺍﻋﺎﺩﮦ ﭼﺎﮨﺘﯽ
ﮨﮯ۔ ﺭﻭﺯ ﺳﻮﺭﺝ ﻧﮧ ﭼﮍﮬﮯ ﺗﻮ
ﺩﻥ ﻧﮩﯿﮟ ﮨﻮﺗﺎ۔ ﺟﺲ ﺭﻭﺯ
ﻣﺤﺒﺖ ﮐﺎ ﺳﻮﺭﺝ ﻃﻠﻮﻉ ﻧﮧ ﮨﻮ
ﺭﺍﺕ ﺭﮨﺘﯽ ﮨﮯ۔ ﯾﮧ ﺩﻝ ﺍﻭﺭ ﺟﺴﻢ
ﺑﮍﮮ ﺑﯿﺮﯼ ﮨﯿﮟ ﺍﯾﮏ ﺩﻭﺳﺮﮮ
 ﮐﮯ۔ ﺟﺴﻢ ﺭﻭﻧﺪﺍ ﺟﺎﺋﮯ ﺗﻮ ﯾﮧ
ﺩﻝ ﮐﻮ ﺑﺴﻨﮯ ﻧﮩﯿﮟ ﺩﯾﺘﺎ ﺍﻭﺭ ﺩﻝ
ﻣﭩﮭﯽ ﺑﻨﺪ ﺭﮨﮯ ﺗﻮ ﺗﻮ ﯾﮧ ﺟﺴﻢ
ﮐﯽ ﻧﮕﺮﯼ ﮐﻮ ﺗﺒﺎﮦ ﮐﺮ ﺩﯾﺘﺎ ﮨﮯ۔

ﺭﺍﺟﮧ ﮔِﺪﮪ ﺳﮯ ﺍﻗﺘﺒﺎﺱ

Monday, 27 May 2013

"لاحاصل"

"لاحاصل"

اگر الله نے آپ کو رزق کی تنگی دینی ہے تو وہ تب بھی دے دے گا جب آپ کی چار فیکٹریاں ہوں گی- کیا کر لیں گے آپ اگر چاروں فیکٹریز میں ایک ہی وقت آگ لگ جائے- عمارتیں گر جائیں یا کچھ اور ہو جائے- ہم کتنے ہی بند کیوں نہ باندھ لیں، اگر سیلاب کے پانی کو ہم تک آنا ہے تو وہ سارے بند توڑ کر آ جائے گا- اگر ہماری قسمت میں پانی ایک قطرہ لکھا ہے ایک گھونٹ نہیں تو ہم دریا کے کنارے بیٹھ کر بھی ایک قطرہ ہی پی سکیں گے، ایک گھونٹ نہیں-

از عمیرہ احمد

Sunday, 26 May 2013

ﺑﻨﺪﮮ ﮐﯽ ﺑﺮﺩﺍﺷﺖ ﺑﮭﯽ ﺍﺱ

ﺑﻨﺪﮮ ﮐﯽ ﺑﺮﺩﺍﺷﺖ ﺑﮭﯽ ﺍﺱ
ﻭﻗﺖ ﺗﮏ ﺳﻼﻣﺖ ﺭﮨﺘﯽ ﮨﮯ ﺟﺐ
ﺗﮏ ﮐﻮﺋﯽ ﺍﺱ ﮐﯽ ﺩﻡ ﭘﺮ
ﭘﺎﺅﮞ ﻧﮧ ﺭﮐﮫ ﺩﮮ-ﺟﮩﺎﮞ ﯾﮧ
ﻣﺮﺣﻠﮧ ﺁﺟﺎﺋﮯ ﻭﮨﺎﮞ ﺑﺮﺩﺍﺷﺖ
ﺑﮭﯽ ﺭﺧﺼﺖ ﮨﻮ ﺟﺎﺗﯽ ﮨﮯ ﭘﮭﺮ
ﻋﻘﻞ ﻭ ﺷﻌﻮﺭ ﮐﮯ ﺑﻨﺪ
ﺩﺭﻭﺍﺯﻭﮞ ﭘﺮ ﺩﺳﺘﮏ ﺩﯾﻨﮯ ﮐﺎ
ﮐﻮﺋﯽ ﻓﺎﺋﺪﮦ ﻧﮩﯿﮟ ﮨﻮﺗﺎ-
ﺿﺪﯼ ﺍﻧﺎ ﭼﯿﻦ ﺳﮯ ﺑﯿﭩﮭﻨﮯ ﮨﯽ
 ﻧﮩﯿﮟ ﺩﯾﺘﯽ-ﮐﭽﮫ ﮐﺮ ﺩﯾﮯ،
ﮐﭽﮫ ﺛﺎﺑﺖ ﮐﺮﻧﮯ، ﮐﭽﮫ ﮨﻮ
ﺟﺎﻧﮯ ﮐﮯ ﭼﮑﺮﻭﮞ ﻣﯿﮟ ﺍﻟﺠﮭﺎ
ﺩﯾﺘﯽ ﮨﮯ-ﻋﺰﺕ ﻧﻔﺲ ﮐﺎ
ﮔﮭﻮﮌﺍ ﺑﮭﺎﮔﺘﺎ ﮨﯽ ﭼﻼ ﺟﺎﺗﺎ ﮨﮯ-
)ﺷﺎﺯﯾﮧ ﭼﻮﮬﺪﺭﯼ ﮐﮯ ﻧﺎﻭﻝ
"ﭼﻠﻮ ﺯﻧﺪﮔﯽ ﮐﻮ ﻣﺤﺒﺖ ﺑﻨﺎ
ﺩﯾﮟ"ﺳﮯ(

Saturday, 25 May 2013

"حیا" عبرانی زبان کے لفظ "حوا" سے نکلا ہے

"حیا" عبرانی زبان کے لفظ "حوا" سے نکلا ہے جو کے اماں حوا علیہ السلام کا نام تھا۔ حوا کے معنی ہیں، زندگی۔ سو حیا کے بھی یہی معنی ہیں۔ اسی لیے عربی میں حیا کا لفظی معنی تروتازگی اور شادابی کیا جاتا ہے کیونکہ یہ دونوں چیزیں زندگی کی علامت ہوتی ہیں۔ اسی سے لفظ "حیات" (زندگی) اور اللہ تعالیٰ کا نام "الحیی" (ہمیشہ زندہ رہنے والا) ہے۔ اس کے اصطلاحی معنی عموماً شرم اور موڈسٹی اس لیے کیے جاتے ہیں کیونکہ شرم انسان کی اخلاقی زندگی اور کردار کو تروتازہ اور زندہ رکھتی ہے۔

("جنت کے پتے" سے اقتباس)

Friday, 24 May 2013

کبھی انسان سانس لیتا ہے،اور زندوں میں شمار ہوتا ہے

اس نے کہا: کبھی انسان سانس لیتا ہے،اور زندوں میں شمار ہوتا ہے، اور کبھی کبھی انسان کی سانس بھی چل رہی ہوتی ہے، لیکن وہ مر چکا ہوتا ہے۔ جانتے ہو کیوں؟؟؟
میں نے کہا: "نہیں"
اس نے کہا: کیوں کے اس کا اندر اس وقت مر چکا ہوتا ہے، وہ اندر سے چکناچور ہو چکا ہوتا ہے، اس کے اندر ایک طوفان بپا ہوتا ہے، جو اس کے سوا کسی کو نظر نہیں آ رہا ہوتا۔
میں نے کہا: ہاں! یہ اندر سے ٹوٹنے کا عمل ہی مایوسی کی انتہا ہوتی ہ...ے، جہاں اس کو کچھ نظر نہیں آ رہا ہوتا، اپنا رب بھی نہیں۔
اس نے کہا: یہ مایوسی نہیں، یہ خواہش کا ختم ہو جانا ہے،۔۔
میں نے کہا: ٹوٹ جانا مایوسی ہی ہوتی ہے، ہاں اندر سے مضبوط ہو جانا، ضرور خواہشات کا ختم ہو جانا ہوتا ہے۔
اس نے کہا: تو پھر کبھی انسان کی اندر کی توڑ پھوڑ بھی تو انسان کو خواہشات سے دور کر دیتی ہیں۔
میں نے کہا: نہیں، جب تک یہ ٹوٹ بٹوٹ کا عمل جاری رہتا ہے، انسان مایوس سے مایوس تر ہوتا جاتا ہے، وہ خواہشات کا ختم ہونا نہین، بلکہ اکتا جانا کہلاتا ہے، اور جب یہ ٹوٹ بٹوٹ ختم ہو جاتی ہے، تو پھر کچھ کرنے کا عزم جاری ہوتا ہے، کچھ ایسا کرنے کا جس کو زوال نہ ہو، اور وہ رب کریم کی ذات ہوتی ہے، جس کو پانے کی خواہش جنم لیتی ہے، تو پھر آپ کا اندر مضبوط ہونے لگتا ہے، پھر آپکی ساری خواہشات ختم ہونا شروع ہو جاتی ہے، کیونکہ آپ دنیا والوں کی حقیقت جان چکے ہوتے ہو، شاید آپ کوئی ٹھوکر کھا چکے ہوتے ہو، اور وہ خواہشات کا ختم ہونا ہی، دنیا سے بغاوت کا اعلان ہوتا ہے، اور اپنے نفس کو پہچاننے کے سفر کا آغاز ہوتا ہے۔۔جہاں بندہ اپنے کمال کے ساتھ، پورے جلال کے ساتھ کامل بن کر چیخ رہا ہوتا ہے، اور اس کی چیخ سنی جا رہی ہوتی ہے۔۔
وہ پکارتا ہے۔ اللہ۔۔۔۔ اندر سے آواز آتی ہے، ہاں میرے بندے۔ بول ۔۔۔

(بندۂ کامل سے اقتباس

Thursday, 23 May 2013

محبت چھلاوہ ھے

محبت چھلاوہ ھے۔ ۔ ۔ اس کی اصل حقیقت بڑی مشکل سے سمجھ آتی ھے کچھ لوگ جو آپ سے اظہار محبت کرتے ھیں اتصال جسم کے خواہاں ھیں ۔ کچھ آپ کی روح کے لیئے تڑپتے ھیں کسی کسی کے جذبات پر آپ خود حاوی ھو جانا چاھتے ھیں ۔ کچھ کو سمجھ سوچ ادراک کی سمتوں پر چھا جانے کا شوق ھوتا ھے ۔ ۔ ۔ محبت چھلاوہ ھے لاکھ روپ بدلتی ھے ۔ ۔ ۔ اسی لیئے لاکھ چاھو ایک آدمی آپ کی تمام ضرورتیں پوری کر دے یہ ممکن نہیں ۔ ۔ ۔ اور بالفرض کوئی آپ کی ھر سمت ھر جہت کے خلا کو پورا بھی کر دے تو اس بات کی کیا گارنٹی ھے کہ آپ اس کی ھر ضرورت کو ھر جگہ ھر موسم اور ھر عہد میں پورا کرسکیں گے ۔ ۔ ۔ انسان جامد نہیں ھے بڑھنے والا ھے اوپر دائیں بائیں ۔ ۔ ۔ اس کی ضروریات کو تم پابند نہیں کر سکتے ۔۔۔

بانو قدسیہ کے ناول، راجہ گدھ سے اقتباس

Wednesday, 22 May 2013

انسان نے اس دور جدید میں میزائل

انسان نے اس دور جدید میں میزائل ، بم اور ڈرون ایجاد کرکے تبہاہی پھیلائی ۔ جتنا گہرا گھاؤ انسان کی زبان کسی انسان کے دل میں لگا سکتی ہے اور اس کی کاٹ اور زخم کا مقابلہ یہ نئے دور کے ہیتھار کسی صورت نہیں کر سکتے۔ کبھی کبھی میں سوچتا ہوں کہ ایٹم بم کے موجد کو شاید زبان کے زہر کا ٹھیک طرح سے ادراک نہیں ہو گا ورنہ اے دنیا برباد کرنے کے لیے اتنی محنت نہ کرنی پڑتی 

ہاشم ندیم کے نئے آنے والے ناول پری زاد سے اک اقتباس

Tuesday, 21 May 2013

’’جانتی ہو میاں بیوی کے درمیان سب سے اہم رشتہ کون سا ہوتا ہے

’’جانتی ہو میاں بیوی کے درمیان سب سے اہم رشتہ کون سا ہوتا ہے؟‘‘ انہوں نے جواب دینے کے بجائے سوال کیا؟
’’ محبت اور اعتماد۔‘‘ زویا نے فوراً جواب دیا۔
’’ نہیں، ایک رشتہ اور بھی ہوتا ہے جسے ہمارے ہاں لوگ اکثر ہی بھول جاتے ہیں اور وہ ہے عزت کا رشتہ، ایک دوسرے کے احترام کا رشتہ، ایک دوسرے کے سامنے بھی اور دوسروں کے سامنے بھی اور خدا کا شکر ہے ہمارے مابین یہ رشتہ موجود ہے۔‘‘
زویا کچھ الجھ سی گئی تھی۔ وہ نہیں جانتی تھی کہ شاہ میر نے ماہا کو سکندر کے بارے میں اور سکندر کو ماہا کے بارے میں بات کرتے سنا تھا اور تب ہی انہیں احساس ہوا تھا کہ میاں بیوی کے درمیان صرف محبت و اعتماد کا ہی نہیں، احترام کا رشتہ بھی ہونا چاہیے اور دونوں طرف سے ہونا چاہیئے۔

(راحت جبیں کےمکمل ناول ’’ دکھ سکھ کی سانجھ ‘‘ سے اقتباس)
Related Posts Plugin for WordPress, Blogger...