Sakoot-e-Shaam Main Goonji Sadaa Udaasi Ki.
K Hai Mazeed Udaasi Dawa Udaasi Ki.
Amoor-e-Dil Mein Kisi Teesray Ka Dakhal Nahi,
Yahan Faqat Teri Chalti Hai Ya Udaasi Ki.
Bohat Shareer Tha Main Aur Hansta Phirta Tha,
Phir Ek Faqeer Ne De Di Dua Udaasi Ki.
Chiragh-e-Dil Ko Zara Ehtiyaat Se Rakhna,
K Aaj Raat Chalay Gi Hawa Udaasi Ki.
Bohat Dinon Se Mulaqaat Hi Nahi Moshin,
Kahin Se Khair Khabar Le K Aa Udaasi Ki...
No comments:
Post a Comment