Showing posts with label B==Bahadur Shah zafar. Show all posts
Showing posts with label B==Bahadur Shah zafar. Show all posts

Saturday, 29 June 2013

بہادر شاہ ظفر ---ایسا کچھ دیکھا کہ دنیا سے میرا دل اٹھ گیا





  1. بیچ میں پردہ دوئی کا تھا جو حائل ، اٹھ گیا
    ایسا کچھ دیکھا کہ دنیا سے میرا دل اٹھ گیا

    شمع نے رو رو کے کاٹی رات سولی پر تمام
    شب کو جو محفل سے تو اے زیب ِمحفل اٹھ گیا

    میری آنکھوں میں سمایا اس کا ایسا نور حق
    شوق ِنظارہ ترا اے بدر ِکامل اٹھ گیا

    اے ظفر کیا پوچھتا ہے بے گناہ و بر گناہ
    اٹھ گیا اب تو جدھر کو دست ِقاتل اٹھ گیا

بہادر شاہ ظفر--- یہی ایک غم ہے ، یہی اک الم ہے

  1. یہی ایک غم ہے، یہی اک الم ہے
    یہی اک الم ہے، یہی ایک غم ہے

    مری چشم نم ہے اسی رنج و غم میں
    اسی رنج و غم میں مری چشم نم ہے

    مجھے دم بدم ہے یہی اک تردد
    یہی اک تردد مجھے دم بدم ہے

    خفا کیوں صنم ہے نہیں بھید کھلتا
    نہیں بھید کھلتا خفا کیوں صنم ہے

    خدا کی قسم ہے یہ کہتا ہوں سچ میں
    یہ کہتا ہوں سچ میں خدا کی قسم ہے

    ستم ہی کرم ہے مجھے اس صنم کا
    مجھے اس صنم کا ستم ہی کرم ہے

    ظفر کیا ستم ہے ہوا دوست دشمن
    ہوا دوست دشمن ظفر کیا ستم ہے 
Related Posts Plugin for WordPress, Blogger...