وہ ریزہ ریزہ بکھرتا انساں
وہ نیند کے روزنوں میں تازہ ھوا کا جھونکا
کِرن کِرن روشنی کا دریا
وہ پتہ پتہ اُدھڑتا جنگل
پگھلتا صحرا
سمندروں کو نئے کنارے دکھا رھا ھے!
وہ شخص پُھولوں کی شہ رگوں میں
لہوُ کے دھارے دکھا رھا ھے!
وہ میری مٹی کی سلوٹوں میں
چُھپے ستارے دکھا رھا ھے!
وہ بانجھ لفظوں کو
زندگی کے نئے مفاہیم دے رھا ھے!
اُداس چہروں کو پھر سے تعظیم دے رھا ھے!
وہ اِک شجر ھے
کہ جس کے سائے میں
لمبی لمبی مسافتوں سے پلٹنے والے
ذرا کو ٹھہریں
تو رس بھری ٹھنڈکوں سے اپنی تھکن اُتاریں
No comments:
Post a Comment