Kabhi Tanha Reh Jao To Mujhey Sochna

Kabhi Tanha Reh Jao To Mujhey Sochna
Kisi Morr Pey Ghabrao To Mujhey Sochna

Ajnabi Chehron Mein, Ajnabi Zameenon Pey
Kabhi Gair Kehlao, To Mujhey Sochna

Apney Haathon Pey Kisi Chaand Raat
Mehndi Jo Lagao, To Mujhey Sochna

Tumhein Haq Hai Chaaho To Bhool Jaana
Agar Bhula Na Paao To Mujhey Sochna

Mujhey Sochna Jab Main Na Rahoon
Jab Kabhi Gungunao To Mujhey Sochna

Abb Na Sahi, Kabhi Mairey Baad
Tum Lot Aao To Mujhey Sochna …